本會宗旨是推動釘根台語ê「台灣學」教育、促進台語文ê標準化、普遍化kap國際化以及落實聯合國「世界文化多樣性宣言」、「世界母語日」lāi-té對各語言族群文化保障ê精神。本會àn-chiàu相關法令規定辦理ē-bīn ê業務：

一、補助各級學校充實台語文圖書、設備kap教學教材。

二、主辦he̍k-chiá贊助各級學校、學生kap教師參加各類台語文競賽活動。

三、主辦he̍k-chiá贊助各類台語文相關學術研究、講座、公益性藝文活動。

四、提供以蔣化、余纏、蔣發太、孫玉枝冠名ê獎/助學金kap其他各式獎/助學金。

五、培育台語文師資並辦理相關研習課程、營隊kap研討會。

六、獎勵以台語文kap台灣字(傳統白話字)書寫ê各類出版品kap教材。

七、合作辦理台語認證以及推廣全民台語認證。

八、推廣每年3月11日林茂生教授受難日做台灣教師節。

九、推廣每年3月14日王育霖詩人檢察官受難日做台灣詩人節。

十、捐贈人指定ê符合本會宗旨ê特定用途。

十一、其他符合本會設立宗旨ê公益性文教事務。